Etterlyser ny oppmerking av gangfelt på Hovden

I ein e-post datert 27. september peika Røil på fleire fotgjengarfelt langs Skisentervegen og riksveg 9 som han meiner er veldig svake og lite synlege, særleg i og ved kryss.

Han bad om at gangfelta blir vurderte for ny oppmerking, eventuelt mellombels merking, så snart det er praktisk mogleg og gjerne før høgsesongen.

I ei ny melding skriv Røil at han ikkje hadde fått svar, og spør om saka er teken imot og kven som følgjer henne opp. Han opplyser at han kan sende bilete og meir presis plassering dersom det er til hjelp.